Message | Faamalo atu i le Samoa FM ma la outou tautua matavela ia Samoa i Melepone aeamise le faalautele atu i soo se tafa o le lalolagi. Faafetai o lea ua maua atu le itulau e ta ai nai alofaaga e momolimoli atu i lo outou setete, ma e avatu ai ma faamanuiaga ma le faamalo i la oulua tautua le faatuaoia ia Samoa. O upu a le atunuu ua faamalo fai o le faiva, malo le tautai ma sailimalo mo Samoa ma ona tagatanuu. Lau susuga Gerwin ma Albert o oulua mama na ma ia faamanuia le Atua ia te oulua ma oulua aiga. O le agaga ia maua e tupu ma tamalii ma tama fanau uma a Samoa o loo galulue i lenei galuega faasalalau le nofofealofani ma le felagolagomai. Mai ia Toomata Pasefika Maiava & Pesefea Faaitenuu Semikueva Lynch aufaigaluega leitio Fofoga Moomia o Samoa Sydney i vaveao o aso Sa taitasi. |