MyTankaria...Bringing Community Closer
Sign Guestbook   Back to MyTankaria

Name	Tankarvi
Date	2009-06-26
Location
Message	કેટલી માદકતા સંતાઇ હતી વરસાદમાં ! મસ્ત થઇ સૃષ્ટિ બધી ઝૂમી ઊઠી વરસાદમાં ! રેઇનકોટ, છત્રીઓ, ગમ શૂઝ, વોટરપ્રૂફ હેટ્સ માનવીએ કેટલી ભીંતો ચણી વરસાદમાં ! કેટલો ફિક્કો અને નિસ્તેજ છે બીમાર ચાંદ કેટલી ઝાંખી પડી ગઇ ચાંદની વરસાદમાં ! કોઇ આવે છે ન કોઇ જાય છે સંધ્યા થતાં કેટલી સૂની પડી ગઇ છે ગલી વરસાદમાં ! એક તું છે કે તને કંઇ પણ નથી થાતી અસર, ભેટવા દરિયાને ઊછળે છે નદી વરસાદમાં. લાખ બચવાના કર્યા એણે પ્રયત્નો તે છતાં છેવટે ‘આદિલ’ હવા પલળી ગઇ વરસાદમાં.

Name	Tankarvi
Date	2009-06-26
Location
Message	આખું ચોમાસું તેં મોકલ્યું ટપાલમાં ને પરબીડિયું ગયું ગેરવલ્લે હવે મારું ભીંજાવું ચડ્યું ટલ્લે છત્રીને થાય, એક નળિયાને થાય, કોઈ નેવાને થાય એવું થાતું ખુલ્લા થયા ને તોયે કોરા રહ્યાનૂં શૂળ છાતીમાં ઊંડે ભોંકાતું વાદળાંની વચ્ચોવચ હોવું ને તોય કદી છાંટા ન પામવા જવલ્લે હવે મારું ભીંજાવું ચડ્યું ટલ્લે ભીંજેલા દિવસોને તડકાની ડાળી પર સૂકવવા મળતા જો હોત તો કલરવનો ડાકિયો દેખાયો હોત કાશ મારુંયે સરનામું ગોતતો વાછટના વેપલામાં ઝાઝી નહીં બરકત, ગુંજે ભરો કે ભરો ગલ્લે હવે મારું ભીંજાવું ચડ્યું ટલ્લે. - સંદીપ ભાટિયા

Name	Tankarvi
Date	2009-06-26
Location
Message	થોડે સુધી જઈને અટકી ગયાં હશે, મારો વિચાર નક્કી સમજી ગયાં હશે ! સપનામાં કંકુવરણી કંકોતરી પઢું, મનમાં ને મનમાં એ પણ પરણી ગયાં હશે. નહિતર ન હોય આવો માહોલ રણ મહીં, હરણાંઓ નક્કી મૃગજળને પી ગયાં હશે એકાન્તમાં એ રડતાં જોવા મળી શકે, મહેફિલ ખુમારીથી જે ગજવી ગયાં હશે ! સૂરજને માત્ર જોઈ પરસેવે ન્હાય છે, એ વાદળોને જોઈ, પલળી ગયાં હશે. આ પથ્થરોમાં કૂંપળ કેવી રીતે ફૂટી ? બાળકના હાથ એને અડકી ગયા હશે ! ‘નિનાદ’ એમ મયખાને જાય ના કદી, મિત્રો જ હાથ પકડીને લઈ ગયા હશે !

Name	Tankarvi
Date	2009-06-26
Location
Message	એકલો એકલો તારી સાથે વાત કરું છું તું સાંભળે છે કે નહીં ? સમજે છે કે નહીં ? તું મને ઓળખે છે કે નહીં ? મને એની પરવા નથી. તારી સાથે વાત કરું ને હળવો થાઉં તું ગુલાબ હોય કે આભનો ઊંચો ચંદ્ર તું આકાશ હોય કે પૃથ્વી : તું કાંઈ પણ હોય કે ન પણ હોય પણ હું હોઉં છું એટલે વાત કરું છું: વાત કર્યા વિના મને ચેન પડે નહીં. તું કોઈ પણ રીતે હશે તો ખરો ! નહીં તો વાત કરવાની ઝંખના કદી જાગે નહીં. વાદક ક્યાંક તો હશે નહીં તો વીણા કદી અમથી અમથી હવાના સ્પર્શે આટલી ઝીણી વાગે નહીં.

Name	Tankarvi
Date	2009-06-26
Location
Message	સાંજ રોજ જ આટલી શાંત અને સુંદર હોય છે પણ મને ખબર પડતી નથી. મારી બારીમાં ડોકાતું છૂટાંછવાયાં સફેદ વાદળો ભરેલું ભૂરું આકાશ સામેના વૃક્ષની ઊંચી ડાળ જોડે ભેટવા આવે છે મને. પણ નીચું માથું રાખેલી મને એની ખબર પડતી નથી. હું જ્યારે બેસું આકાશ સામે આકાશ જેવી શાંત, સ્થિર, આનંદિત ત્યારે જ મને ખબર પડે કે હું પણ હોઈ શકું સાંજ રોજ સાંજે.

Name	Tankarvi
Date	2009-06-26
Location
Message	ખુદા, તારી કસોટીની પ્રથા સારી નથી હોતી; કે સારા હોય છે એની દશા સારી નથી હોતી. ખૂબી તો એ કે ડૂબી જાય તો લઇ જાય છે કાંઠે, તરો ત્યારે જ સાગરની હવા સારી નથી હોતી. સિતારા શું કે આવે છે દિવસ રાતોય ગણવાના, હંમેશાંની જુદાઇની દશા સારી નથી હોતી. જગતમાં સર્વને કહેતા ફરો નહિ કે દુઆ કરજો, ઘણાંય એવાંય છે જેની દુઆ સારી નથી હોતી. નથી અંધકારમય રસ્તો છતાં ખોવાઇ જાયે છે, સૂરજને પણ સફર માટે દિશા સારી નથી હોતી. બધાં સુખનો સમય મળતાં ભરે છે દમ ગરૂરીના, વસંત આવ્યા પછી અહીંયા હવા સારી નથી હોતી. કબરમાં જઇને રહેશો તો ફરિશ્તાઓ ઊભા કરશે, અહીં ‘બેફામ’ કોઇ પણ જગા સારી નથી હોતી.

Name	Tankarvi
Date	2009-06-26
Location
Message	ભીંત ઉપર ચકલી બેઠી ને સૂરજ સરક્યો, બારીના સળિયાઓ તોડી તડકો થરક્યો, કૅલેન્ડરના પાને પાને સ્પર્શ સમયનો, ભીંત ઉપર પડછાયો ડોલે વધતી વયનો, ચાની ઊડતી વરાળમાં માછલીઓ તરતી, સૂરજનો માળો છોડીને ચકલી ભીંતે પાછી ફરતી.

Name	Tankarvi
Date	2009-06-26
Location
Message	[1] અતિ પ્રેમી ને બહુ ઋણી, જેને વેર ઘણાંય, સુખે ન સૂએ કોઈ દી, તે તો ત્રણ જણાય. [2] અવેજ ખોયો આવશે, ગયાં મળે છે ગામ, ગયો ન અવસર આવશે, ગયું મળે ના નામ. [3] આભ નહિ નિર્મળ સદા, જીવન નહિ વણકલેશ, પણ તેનો ધારીએ નહિ, વિષાદ ઉરમાં લેશ [4] ઉત્તમ સૌથી આબરૂ, સજ્જન કેરો સાથ, લજ્જા ગઈ જો લાખની, ફરી ન આવે હાથ. [5] એકલ દેતા દાન જે, એકલ ઝૂઝે જંગ, એકલ જગનિંદા સહે, એ મર્દોને રંગ (‘શેષ’) [6] કડવાબોલો શેઠિયો, જૂઠાબોલી નાર, નિત્યજમાઈ પરોણલા, એતા માથે ભાર. [7] અહિમુખ બિંદુ વિષ થયું, કેળે થયું કપૂર, છીપે જળ મોતી થયું, સંગતનાં ફળ શૂર

Name	Tankarvi
Date	2009-06-26
Location
Message	[1] દારૂ પીતા લોકોને ખરાબ આદતથી છોડાવવા એક ડૉક્ટર તેમની વચ્ચે ગયાં. સૌને ભેગા કર્યાં. તેમની સામે બે મોટા કાચના ગ્લાસ ભર્યા. એકમાં શુદ્ધ પાણી નાખ્યું અને બીજામાં દારૂ ભર્યો. સૌના દેખતાં તેમાં એમણે બે અળસિયા નાખ્યાં. બધાને ધ્યાનથી જોવાનું કહ્યું. પાંચેક મિનિટ બાદ, દારૂના ગ્લાસમાં નાખેલું અળસિયું તરફડીને મરી ગયું જ્યારે પાણીમાં નાખેલું અળસિયું આરામથી ઉપર તરતું રહ્યું. છેવટે ડૉક્ટરે એમાંના એકને પૂછ્યું : ‘આ પ્રયોગ જોવાથી, તમને શું શીખ મળી ?’ ‘એ જ કે સાહેબ, દારૂ પિવાથી શરીરમાં રહેલા જંતુ મરી જાય છે !’ દારૂડિયાએ જવાબ આપ્યો.

Name	Tankarvi
Date	2009-06-26
Location
Message	એક આંખ બંધ કરી દે છે બંટી: મમ્મી, પપ્પા ખૂબ જ પ્રામાણિક લાગે છે. મમ્મી: એવી તને કેવી રીતે જાણ થઈ, બેટા? મને તો નથી લાગતું કે પપ્પા પ્રામાણિક હોય. બંટી: મમ્મી જયારે પણ હું અને પપ્પા બહાર ચાલવા માટે જઈએ અને જો કોઈ પણ છોકરી રસ્તામાં તેમની સામેથી પસાર થાય તો તે તરત જ તેમની એક આંખ બંધ કરી દે છે. બોલ છેને પ્રામાણિક.

Page 6 of 26 << First < 3 4 5 6 7 8 9 > Last >>

This free guestbook is provided by UltraGuest.com