MyTankaria...Bringing Community Closer
Sign Guestbook Back to MyTankaria
| Date | 2009-07-02 |
| Location |  |
| Message | એક હતો રેઈનકોટ એકહતો રેઈનકોટ ને આપણે બે! પછી એક ટીપું પછી સહેજ ઝરમર પછી મન મૂકી વરસી પડ્યો મેહ તું જ ઓઢને ! ‘તારે જ ઓઢવો પડશે’ એવો હુકમ કીધો આ જહાંપનાહે ને બદતમીઝીની હદ આવી ગઈ ‘હું નહીં તમે જ ઓઢો’ એવી હઠ લીધી તે નૂરજહાંએ. હું નહીં હું નહીં કરતાં આપણે કેટલું નાહ્યાં ! કેટલું નાહ્યાં ! યાદ છે તને ? સારું થયું ને ? કે… બે હતાં આપણે ને રેઈનકોટ એક ! – બકુલ ત્રિપાઠી |
| Date | 2009-07-02 |
| Location | |
| Message | પ્રેમ પર ધંધાની અસર પોલીસ હથકડી હૈયાની નહીં તૂટી શકે ! મુજ વિના કોઈ નહીં લૂંટી શકે ! તું ભલે ઝડપાઈ મારા પ્રેમમાં – પણ વગર હપ્તે નહીં છૂટી શકે ! ક્રિકેટર છે પ્રિયે લિમિટેડ ઓવર્સ, ને પ્રણયની ખેંચ છે ડેડ-પીચ પર ચાલતી આ એક વન-ડે મેચ છે થર્ડ અમ્પાયરને વચમાં નાંખ ના, આ પ્રેમ છે આપણો સંબંધ શું છૂટી ગયેલો કેચ છે ? ટપાલી તારી ગલીમાં જાતને વેચ્યા કરું છું હું તારા પ્રણયના બોજને ખેંચ્યા કરું છું હું કોની કૃપાથી હું ઘસું છું તારા ઉંબરા ? પત્રો લખે છે કોક ને વહેંચ્યા કરું છું હું ! |
| Date | 2009-07-02 |
| Location | |
| Message | [11] ભીનાં ભીનાં થૈ સંબંધની છાલકે ભીંજાયા અમે. [12] સાચવી લૈ મેં સંબંધની ભીનાશ બાગ ખીલવ્યો. [13] પામવા મથું સ્મરણના અરીસે તસ્વીર તારી [14] ચગાવવાં છે સ્મરણોનાં પતંગ સમીર નથી [15] વેદના નહીં વરસાદ થૈ આવો ઝૂરીએ અમે. [16] રૂપ ચૈત્રનું લઈ પ્રખર, ગમ મને સતાવે. [17] મને ઝરણું બનાવી, તમે ભૂલ્યાં વહેવું શાને ? [18] ટોળે વળેલાં મારગ પૂછે જાવું ક્યાં તમારે હો ! [19] શબ્દ પરાયાં પંખી બન્યા, હું મૌન પીંજરે કેદ [20] શીશ નમાવી કલમ ડાળ ઝૂકી, ને મ્હોર્યા શબ્દો. |
| Date | 2009-07-02 |
| Location | |
| Message | હાઈકુ [1] પલળવાનાં સ્વપ્નમાં, કોરી રહી ગઈ જિંદગી. [2] ખેંચી પણછ ઈચ્છાનાં ફળને મેં વીંધી જ નાખ્યું. [3] લૂંછી લો આંસુ હવા જો લાગશે તો સૂકાઈ જશે. [4] મમ એકાંત કોરી ભીંત, આવો ને થૈ ફ્રેમ તમે ! [5] ખોબો ભરીને પીવા મળ્યું, દરિયો મળ્યો, ડૂબવા. [6] ફફડાટને ઉરમાં સમાવું, ત્યાં તોફાન આવે. [7] સંબંધોનાં કૈં અરણ્યો જોયાં, ક્યાંય ન દેખી છાયા. [8] પીગળી જવું સમયના અંધારે સવાર થાશે. [9] અમે એકાંત – - સાગરે, ટાપુ થઈ જીવીએ છીએ. [10] પ્રસ્તાવના શું લખે આંસુની, ઉર કોરું કટ્ટ ત્યાં ! |
| Date | 2009-07-02 |
| Location | |
| Message | મુસાફર, જન્મ્યો ત્યારથી જ જાણે મુસાફરીએ નીકળ્યો છે. ઘડિયાળના કાંટાની કે નક્ષત્રની જેમ પોતાનાં પગલાં ભૂંસી શકતો નથી કે નવો રસ્તો ચાતરી શકતો નથી. એના એ જ રસ્તા વચ્ચે ગૂંચવાએલો માઈલસ્ટોનનો પથ્થર થવા મથે છે. ઊભો હોય ત્યારે પોતાની આરપાર અનેક મારગ પસાર થતાં જુએ છે. જ્યારે થાકે ત્યારે થાકેલાં સપનાંને ઓશીકે સૂતો હોય છે, નચિંત મુસાફરને ખબર નથી તેને ક્યાં જવું છે ? તે ચડતો નથી તે ઊતરતો નથી તે ઊભો રહ્યો છે અને રાહ જોયા કરે છે જોયા જ કરે છે એક એવા વાહનની જે તેને લઈ જાય પોતાના સાચા ઘર સુધી. |
| Date | 2009-07-02 |
| Location | |
| Message | બર્ફ જેવો કઠણ, વહી શકે છે હો પવન સામે તો સહી શકે છે સાત દરિયાના જળ પી જનારો તું મને ગુજરાતી કહી શકે છે. |
| Date | 2009-07-02 |
| Location | |
| Message | - વીતી ગયેલી કાલ માટે તમારા મનમાં જો કોઈ ઉદ્દવેગ ન હોય અને આવનારી કાલ માટે તમારા મનમાં જો કોઈ ભય ન હોય તો સાચે જ તમે બાદશાહીમાં જીવી રહ્યાં છો. - વિજ્ઞાન માણસને એટલું લાંબુ આયુષ્ય તો કદી નહિ અપાવી શકે કે જેમાં પત્નીની બધી ઈચ્છાઓ તે પૂરી પાડી શકે. - સ્ત્રીએ લગ્ન પહેલા માન્યો હોય તેટલો સારો કોઈ પતિ હોતો નથી – લગ્ન બાદ તેને માન્યો હોય તેટલો ખરાબ પણ હોતો નથી. - દરેક સફળ પુરુષની પાછળ એક સ્ત્રી રહેલી હોય છે – જે એને કહેતી રહેતી હોય છે કે, ‘તમારામાં શેક્યો પાપડ ભાંગવાની પણ ત્રેવડ નથી ! |
| Date | 2009-07-02 |
| Location | |
| Message | - તમે પળોનો ખ્યાલ રાખજો, યુગો તો એનું સંભાળી લેશે ! - જેની પાસે થોડું છે તે ગરીબ નથી પણ જે વધારાની આશા રાખે છે તે ગરીબ છે ! - જેમ જેમ સ્વાર્થનું સર્કલ વધતું જાય છે તેમ તેમ સુખનું સર્કલ સાંકડું થતું જાય છે. - આપણામાં મોટામાં મોટું દુષણ કયું ? લોકોના દુષણને ગાયા કરીએ તે ! - હલકો માલ લેવા માટે ક્યારેય ભારે કિંમત ચૂકવવી પડતી નથી, પરંતુ હલકા પ્રકારનું જીવન જીવવા માટે બહુ ઊંચા પ્રકારની કિંમત ચૂકવવી પડે છે. |
| Date | 2009-07-02 |
| Location | |
| Message | - સ્વપ્ન ! આંખો બંધ કર્યા વિના ક્યારેય આવે નહીં ! અને સત્ય ! આંખો ખોલ્યા વિના ક્યારેય લાધે નહીં ! -વૃક્ષ ફેલાય છે જરૂર પણ જમીનમાં પોતાનું સ્થાન મજબૂત બનાવીને ! પરોપકાર કરો જરૂર પણ સ્વસલામતીને નિશ્ચિત બનાવીને. - કેવું છે ! પહેલાં માતાપિતા બાળકને બોલતાં શીખવે છે, અને એ બોલવા માંડે પછી ચૂપ કેમ રહેવું તે શીખવે છે. - તમે પ્રગતિનાં સોપાન ચઢતા હો ત્યારે લોકો પ્રત્યે નમ્રતા રાખો, કારણકે ઊતરતી વેળા તેઓ તમને મળશે. - કેવી કરુણતા ! માણસ તરીકે જન્મ્યા છીએ તો માણસ તરીકે જીવવાનું મન નથી થતું ? |
| Date | 2009-07-02 |
| Location | |
| Message | - સ્વપ્ન ! આંખો બંધ કર્યા વિના ક્યારેય આવે નહીં ! અને સત્ય, આંખો ખોલ્યા વિના ક્યારેય લાધે નહીં. -વૃક્ષ ફેલાય છે જરૂર પણ જમીનમાં પોતાનું સ્થાન મજબૂત બનાવીને, પરોપકાર કરો જરૂર પણ સ્વસલામતીને નિશ્ચિત બનાવીને. - કેવું છે ! પહેલાં માતાપિતા બાળકને બોલતાં શીખવે છે, અને એ બોલવા માંડે પછી ચૂપ કેમ રહેવું તે શીખવે છે. - તમે પ્રગતિનાં સોપાન ચઢતા હો ત્યારે લોકો પ્રત્યે નમ્રતા રાખો, કારણકે ઊતરતી વેળા તેઓ તમને મળશે. - કેવી કરુણતા,માણસ તરીકે જન્મ્યા છીએ તો માણસ તરીકે જીવવાનું મન નથી થતું ? |
Page 4 of 26 < 1 2 3 4 5 6 7 > Last >>
| This free guestbook is provided by UltraGuest.com |